Veb-sayt tezligi nima uchun mijozlarni yo'qotishingizga sabab bo'ladi?
Tasavvur qiling, siz do'koningizga kirmoqchi bo'lgan mijozni eshik oldida 5-10 soniya ushlab turasiz. U sabr bilan kutadimi yoki yon tomondagi eshigi darrov ochiladigan raqobatchingiz do'koniga kirib ketadimi?
Sana
14/11/2025
Muallif
Ismoil Safarov
Turkum
Sayt
O'qish vaqti
3 daqiqat
Internetda bu jarayon soniyalarda hal bo'ladi. Veb-saytingizning yuklanish tezligi — bu sizning raqamli do'koningizning ochilish tezligidir.
Google tadqiqotlariga ko'ra, agar saytning mobil versiyasi 3 soniyadan ortiq yuklansa, foydalanuvchilarning 53% uni tark etadi. Har bir qo'shimcha yuklanish soniyasi sizning konversiya (sotuv) darajangizni sezilarli darajada pasaytiradi. "Saytim sekin ishlayapti" degan shikoyat — bu shunchaki texnik muammo emas, bu "Men pul yo'qotyapman" deganidir.
Saytning sekin ishlashi biznesingizga qanday zarar yetkazadi?
Mijozlarni yo'qotish (yuqori "Bounce Rate"): Hozirgi zamon foydalanuvchisi o'ta sabrsiz. Agar sayt sahifasi darhol ochilmasa, u "orqaga" tugmasini bosadi va qidiruv natijalaridagi keyingi (ehtimol, sizning raqobatchingiz) saytiga o'tadi. Siz bu mijozni abadiy yo'qotdingiz.
Sotuvlarning kamayishi (past konversiya): Hatto mijoz saytingizda qolsa ham, sekin ishlaydigan sayt uning g'ashiga tegadi. Mahsulotni savatchaga qo'shish yoki buyurtma sahifasiga o'tish uzoq vaqt talab qilsa, ko'pchilik bu jarayonni oxiriga yetkazmaydi.
SEO'ning pasayishi (Google reytingi): 2021 yildan boshlab Google sayt tezligini (Core Web Vitals) qidiruv reytingi uchun eng muhim omillardan biri sifatida rasman e'lon qildi. Agar sizning saytingiz sekin bo'lsa, Google uni foydalanuvchilar uchun yomon tajriba deb hisoblaydi va qidiruv natijalarida pastroq o'rinlarga tushiradi. Natijada siz bepul organik trafikdan mahrum bo'lasiz.
Sayt tezligini nima sekinlashtiradi?
Optimallashtirilmagan rasmlar: Yuqori sifatli, ammo hajmi katta rasmlar.
Yomon hosting: Saytingiz joylashgan uy (server) sekin bo'lsa, sayt ham sekin ishlaydi.
Og'ir kod: Ortqacha va optimallashtirilmagan dasturiy kod.
Mobil versiyaning yo'qligi: Saytning mobil qurilmalar uchun maxsus moslashtirilmagani.
Saytingiz tezligini bu yerga o'tib sinab ko'ring.
Yechim nima? Sayt tezligini oshirish (veb-sayt optimizatsiya) — bu bir martalik ish emas, bu doimiy jarayon. Bu texnik SEO'ning bir qismi bo'lib, kodni tozalash, rasmlarni siqish (compress) va server javob vaqtini yaxshilashni o'z ichiga oladi.
Insan Agency nafaqat estetik saytlar yaratadi, balki ularning texnik jihatdan mukammal va tez ishlashini ham ta'minlaydi. Bizning data-driven yondashuvimiz saytingizni Google PageSpeed kabi vositalarda yuqori baholanishini va eng muhimi, mijozlaringiz sabrini sinamasligini kafolatlaydi.
