Talabalar uchun $200,000 lik bepul imkoniyat

Agar siz talaba bo'lsangiz va dasturlash yoki dizayn bilan shug'ullansangiz, sizda "oltin chipta" borligini bilarmidingiz? Ko'pchilik o'zining talabalik guvohnomasidan faqat avtobusda tekin yurish uchun foydalanadi. Lekin GitHub Student Developer Pack orqali siz umumiy qiymati 200 000 dollardan oshadigan professional instrumentlarni bepul olishingiz mumkin.

Bu nima o'zi?

GitHub kompaniyasi yosh dasturchilarni qo'llab-quvvatlash maqsadida dunyoning yetakchi IT kompaniyalari bilan hamkorlikda maxsus to'plam (Pack) tuzgan. Rasmiy ma'lumotlarga ko'ra, ushbu to'plamning umumiy qiymati har bir talaba uchun $200,000 dan oshadi. Bu raqam barcha 100 dan ortiq hamkorlarning pullik litsenziyalari narxini qo'shib chiqqanda kelib chiqadi.

Asosiy qimmatbaho takliflar:

• New Relic: $14,000+ qiymat (Professional monitoring vositasi).

• DigitalOcean: $200 bepul kredit.

• Microsoft Azure: $100+ bepul kredit.

• Github Copilot: $100/yil bepul.

• JetBrains: $289/yil bepul. Va yana yuzlab boshqa chegirmalar...

Paket ichida nimalar bor?

Eng qaynoq takliflar:

1. GitHub Copilot (Oyiga $10): Hozirgi kunda eng kuchli AI yordamchi. Kod yozishni 50% ga tezlashtiradi. Talabalar uchun — BEPUL.

2. JetBrains (Yiliga $289+): IntelliJ IDEA, PyCharm, WebStorm kabi dunyodagi eng zo'r kod muhitlari (IDE). Barcha mahsulotlari — BEPUL.

3. Namecheap: 1 yilga bepul .me domeni va SSL sertifikat. O'z portfoli saytingizni yaratish uchun ajoyib imkoniyat.

4. DigitalOcean: Yangi foydalanuvchilar uchun $200 kredit. O'z loyihangizni serverga joylash (deploy) uchun 1 yilga yetadigan mablag'.

5. Microsoft Azure: Bulutli texnologiyalarni o'rganish uchun $100 kredit va bepul xizmatlar.

6. Bootstrap Studio: (Canva o'rniga) Dasturlashni bilmasdan sayt yaratish uchun kuchli instrument (1 yilga bepul litsenziya).

Qanday qilib olish mumkin?

Jarayon juda oddiy, lekin e'tibor talab qiladi:

1. Ro'yxatdan o'tish: education.github.com/pack saytiga kiring.

2. Tasdiqlash: "Get your Pack" tugmasini bosing. Sizdan talaba ekanligingizni isbotlash so'raladi.

   • Eng oson yo'li: Agar universitet bergan .edu (yoki .uz domenidagi universitet pochtasi) email manzilingiz bo'lsa, uni kiriting. Tasdiqlash bir zumda bo'ladi.

   • Hujjat bilan: Agar korporativ pochtangiz bo'lmasa, talabalik guvohnomasi (ID card) yoki kontrakt to'lovi qog'ozini rasmga olib yuklashingiz kerak bo'ladi. Hujjatda sana (joriy o'quv yili) va ism-sharifingiz aniq ko'rinishi shart.

3. Kutish: Hujjat yuklaganda tasdiqlash bir necha soatdan bir necha kungacha vaqt olishi mumkin.

Muhim maslahat

Hujjatni yuklayotganda kameradan jonli rasmga olishni so'raydi. Xira yoki chetlari kesilgan rasmlar rad etiladi. Joyingiz yorug' bo'lishiga ishonch hosil qiling.

GitHub Student Developer Pack — bu shunchaki tekin narsalar to'plami emas. Bu sizga professional sifatida o'sish, birinchi startapingizni ishga tushirish va dunyo standartidagi texnologiyalarni o'rganish uchun berilgan imkoniyatdir. Talabalik davrini bekor o'tkazmang!